Бөгелмә балалар бакчасында тәрбияләнүче кыз “Полицейский Степа абый” бәйгесендә төп призга лаек булды

Кичә полиция хезмәткәрләре, Иҗтимагый совет әгъзалары белән бергә, Россия Эчке эшләр министрлыгының Бөтенроссия “Полицейский Степа абый” балалар иҗаты конкурсында җиңүче Виктория Павловага Диплом, сертификат һәм кыйммәтле бүләк – планшет тапшырдылар.

Алты яшьлек Бөгелмә кызының пластилин, тимерчыбыклар, акрил буяу һәм фанера ярдәмендә башкарылган эше 6- 8 яшьлекләр төркемендә Россия Эчке эшләр министрлыгы сайтында онлайн тавыш бирү нәтиҗәләре буенча беренче урынны алды.

Конкурска барлыгы 92 эш кергән. Конкурсантлар турында 7 827 интернет-кулланучы үз фикерен белдергән. Үз эшендә Виктория узган еллардагы полицейскийны сурәтләгән. Эшләнмәне балаларның өстәл һәм юлларда куркынычсыз юл йөрү кагыйдәләре буенча сюжетлы-рольле уеннарында, шулай ук интерьерны бизәү өчен кулланырга мөмкин.

Виктория – Бөгелмә муниципаль районының 33нче «Алчәчәк» балалар бакчасы тәрбияләнүчесе.

Полицейскийлар, бүләк тапшырганда, яшь җиңүчене лаеклы бүләге белән котладылар һәм кызның педагоглары Ирина Александровна Клетухинага һәм Лилия Мәгъсумҗан кызы Гайнановага рәхмәт әйттеләр.

Чыганак