Бөгелмә автомобильчеләре йөрәк формасындагы 17 машина урнаштырдылар

Бөгелмәдә автомобильчеләре үз машиналарын йөрәк формасында урнаштырдылар. 17 автомобиль җәлеп ителде.

Автомобиль йөртүчеләр алдан ук Вотсапта чат ясаганнар, анда җирле халыкны флешмобта катнашырга чакырдылар. Очрашуны Бөгелмә механика заводы парковкасында оештырдылар.

Оештыручылар - шоферлар Андрей һәм Вячеслав.

Мондый чараларны Ватанны саклаучылар көненә, Халыкара хатын-кызлар көненә һәм Җиңү көненә багышлау планлаштырыла.

Яңа елга бөгелмәлеләр үз автомобильләрен чыршы рәвешендә урнаштырдылар, бу да социаль челтәрләрдән файдаланучыларга зур куаныч тудырды.

Фото: оештыручыларның социаль челтәрләре.