Август нинди үзгәрешләр алып килде?
1 августтан пенсионерлар, туристлар, машина йөртүчеләр һәм башка категория гражданнар өчен яңа законнар гамәлгә керде.
Эшләүче пенсионерларның пенсияләре артты.
1 августтан ерак арага йөри торган һәм шәһәр яны поездлары билетларында җирле вакыт күрсәтелә башлады.
3 августтан заманча чит ил паспортының бәясе 3,5 мең сумнан 5 меңгә кадәр артты. 14 яше тулмаган балалар өчен элек 1,5 мең сум түләсәләр, хәзер ул – 2,5 мең сум.
Машинаны теркәү өчен бәя 800 сумнан 1,5 мең сумга җитте.
Йөртү таныклыгы алу бәясе исә 2 мең сумнан 3 мең сумга күтәрелде.
20 августтан алкоголь продукциясенә бәяләр арта. Ярты литрлы шешәнең минималь бәясе 205 сум булачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
