Метеорологлар һава температурасының 25-30 градуска кадәр төшүен фаразлый. Республикада термометр баганасы урыны белән 34 градуска кадәр төшәчәк, дип хәбәр итә Татарстан Гидрометеорология һәм әйләнә-тирә мохитне күзәтү идарәсе.
21 декабрьгә каршы төндә температура үзгәрә, шулай да, иртәнге якта кар явуы, буран һәм кискен исүчән көчле җил чыгуы, һаваның кинәт җылынуы фаразлана. Көндез термометр баганасы 3 градустан 14 градуска кадәр суык булуын күрсәтәчәк.
