Аралаш концерт

Бөгелмә муниципаль районы, Березовка бистәсендә Татарстан Республикасы Мәдәният министрлыгы чаралары кысаларында, авыл мәдәният йортында Азнакай районы иҗат төркеменең аралаш концерты булды. Бистәдә яшәүчеләрне һәм күрше район үзешчән артистларын авыл җирлеге башлыгы Наталья Меньшаева һәм район Советы депутаты, “Бердәм РОССИЯ” партиясенең җирле бүлекчәсе башкарма секретаре Әнвәр Фатыйх улы Әхмәдиев сәламләделәр. Һәр концерт номерын тамашачылар җылы алкышлар белән каршы алды. 16 августта Бөгелмә районының да иң яхшы иҗат коллективлары Азнакай районына җавап концерты белән юл тотачак.

Ләйсән ИЗОТОВА,

 Партия башкарма комитетының әйдәп баручы белгече

Автор фотосы