Антон Лукаш күмәк мәгълүмат чаралары һәм блогерларның ялган фактларны тиражлаудагы роле турында сөйләде

Социология фәннәре кандидаты, “чиста сайлаулар өчен” корпусының башкарма комитеты әгъзасы, Россия Юристлары ассоциациясенең Көньяк һәм Төньяк Кавказ федераль округлары идарәсе җитәкчесе Антон Лукаш хәбәр иткәнчә, сайлауларның барышы турында фейк мәгълүматын журналистлар бик сирәк тудыралар, әмма алар еш кына аны тараталар. Ялган фактларны таратуда блогерларныңроле зур.
Аның фикеренчә, журналистлар – медиамохитнең иң намуслы өлеше. Ә менә блогерлар һәм telegram-каналлар еш кына тикшерелмәгән мәгълүмат бастыра. Механизм шундый: телеграмма-канал фейк тудыра, аны блогер эләктереп ала, аннары чылбырда аны «сары» мәгълүмат чарасы эләктереп ала һәм комментарийлар аша төбәк һәм федераль массакүләм мәгълүмат чараларының игътибар зонасына чыгара.

«Безнең эш фейкны башлангыч чорында ук юк итү булырга тиеш. Фейк бик нык зыян китерергә, паника тудырырга, кешеләрне хокуксыз гамәлләргә этәрергә, җәмгыятьтә тормышны тотрыксызландырырга, ә кискен хәлләрдә хәтта корбаннарга китерергә мөмкин. Фейк – ул мәзәкләр түгел. Фейкларны иҗат итүчеләр – белә торып, кеше аңын җимерүче кешеләр», – дип саный «чиста сайлаулар өчен» корпусы башкарма комитеты әгъзасы.

Бу көннәрдә Антон Лукаш Казанда Гомумроссия тавыш бирү темасына һәм Конституциягә төзәтмәләр буенча тавыш бирү барышын күзәтүне оештыруга багышланган чараларда катнаша.