"Ак Барс"–"Торпедо": җиңелергә ярамый иде...
Шулай итеп, Зиннәтулла Билалетдинов шәкертләре үз бозындагы уеннар сериясен җиңү белән төгәлләде. 9 декабрьдә "Ак Барс" кунакта Мәскәүнең "Динамо" командасы белән очраша.
- Риганың "Динамо" командасына оттырганнан соң безгә җиңел түгел иде, - дип шәрехләде уенны "Ак Барс"ның баш тренеры Зиннәтулла Билалетдинов. - Бу матчта җиңелергә ярамый иде. Егетләр лаеклы уен күрсәттеләр. Дөрес, күплектә уйнауны яхшыртасы бар, җиңүләр белән оттыруларның чиратлашып баруы да борчый. Бу проблемаларны хәл итәргә кирәк.
КХЛ. Даими чемпионат. "Ак Барс" (Казан) - "Торпедо" (Түбән Новгород) - 2:1 (1:0, 1:0, 0:1). Голлар: 1:0 Варнаков (Азеведо, 4:13, азчылыкта), 2:0 Ткачёв (Яруллин, 39:21), 2:1 Аляев (Эштон, Жердев, 44:11, күплутә).
Капкачылар: Рюнняс - Проскуряков.
Следите за самым важным и интересным в Telegram-каналеТатмедиа
