Ак Барс Банк Казандагы фаҗига вакытында зыян күрүчеләрнең гаиләләренә кредит кайтарачак

Ак Барс Банк Казанның 175-нче номерлы гимназиясенә һөҗүм вакытында һәлак булган һәм зыян күргән кешеләрнең гаиләләренә ипотека һәм кулланучылар кредитларын кире кайтарачак. Бу хакта ТР Президенты матбугат хезмәте җитәкчесе Лилия Галимова хәбәр итте.

"Ак Барс Банк идарәсе рәисе Зөфәр Гәрәев республика Президентына банк хәзер үз базасын һәлак булган һәм зыян күргән кешеләр исемлеге белән бергә анализлый дип белдерде", — диде Галимова.

Аның сүзләренә караганда, башка банклар да бу эшкә кушылырга ниятли.

11 май көнне Казанда 175-нче номерлы гимназиягә кораллы һөҗүм була. 7 укучы һәлак булды, 18 укучы утлы яралар һәм җәрәхәтләр алды. Балалардан тыш, мәктәпнең ике хезмәткәре һәлак булган, тагын өч педагог Казан хастаханәләрендә урнашкан.