352 бөгелмәле «Җиңү диктанты» язган

Бөгелмәлеләр Бөек Ватан сугышы тарихы буенча белемнәрен тикшерделәр. Шәһәрдә «Җиңү диктанты» яздылар.

«Бердәм Россия» патриотик акциясе дүртенче тапкыр узды. Шәһәрнең 4 мәйданчыгында 352 бөгелмәлеләр Бөтенроссия патриотик акциясендә катнаштылар. Катнашучылар арасында өлкән сыйныф укучылары, студентлар, яшьләр, иҗтимагый оешмалар, «Бердәм Россия» партиясенең беренчел бүлекчәләре вәкилләре, депутатлар.

"Җиңү диктанты" күпләр өчен яхшы традициягә әверелде инде. Мондый акцияләр тарихны, Бөек Ватан сугышы елларында Россия халкының үлемсез батырлыгын сакларга ярдәм итә. Геройлар турында хәтерне саклап калу һәм аны үсеп килүче буынга тапшыру мөһим.