28 октябрьдә Бөгелмәдә авыл хуҗалыгы ярминкәсе узачак

Бөгелмәлеләрне һәм шәһәр кунакларын 28 октябрьдә Үзәк мәйданда узачак Авыл хуҗалыгы ярминкәсенә чакырабыз. 8.00 сәгатьтә башлана.

Ярминкә эшендә районның шәхси ярдәмче хуҗалыклары, крестьян-фермер хуҗалыклары катнашачак. Ассортимент халыкның ихтыяҗларын исәпкә алып төзелгән.

Ярминкәдә ит, колбаса продукциясе, сөт продуктлары, яшелчәләр, бал, балык һәм башка фермер продукциясе сатып алырга мөмкин булачак.