24/7 режимында кар яву нәтиҗәләрен бетерегез

Узган атна Бөгелмәдә кар бик къп яуды. Мул явым-төшем шәһәр халкына да, торак-коммуналь хуҗалык өлкәсе хезмәткәрләренә дә өстәмә мәшәкатьләр тудырды. «Эшлекле дүшәмбе» киңәшмәсендә шәһәр Башкарма комитеты җитәкчесе Михаил Конков хәбәр иткәнчә, 21-26 февральдә Бөгелмәдә айлык норманың яртысыннан артыгы яуган.

Шәһәрне карап тору белән шөгыльләнүче «Бөгелмә Сервис» подрядчы оешмасы бәйрәм көннәрендә һәм хәзерге вакытта тәүлек буе эшли. Һава шартларын исәпкә алып, оешма махсус техника йөртүчеләрнең эш сменаларын арттырды. Юлларда карны чистарту (шул исәптән шәхси секторда),  юлларда бозны бетерү буенча эшләр башкарыла. Тротуарларны чистарту эшләре көчәйтелде.

Бөгелмә районы башлыгы Линар Закиров идарәче компанияләргә һәм торак милекчеләре ширкәтләренә түбәләрне кардан һәм боздан чистартуга зур игътибар бирергә кушты. Эшне кыска вакыт эчендә башкарырга кирәк. Беренче чиратта социаль өлкә биналарының түбәсеннән кар һәм бозны җыештырырга кирәк.