2023 елда Бөгелмә электр насос заводында җитештерелгән продукция күләме 350 миллион сумнан артып киткән

Бөгелмә электр насос заводында хезмәт коллективы җыелышы узды, анда Бөгелмә муниципаль районы Башкарма комитеты җитәкчесенең икътисади үсеш мәсьәләләре буенча урынбасары Артем Калинин катнашты.

Бүген предприятие җитештерү күләмен арттыра. Заманча җиһазларда 220дән артык хезмәткәр эшли. 2023 ел нәтиҗәләре буенча җитештерелгән продукция күләме 351 миллион тәшкил итте.

Завод эшкә токарьларны, фрезерлаучыларны, ЧПУ станок операторларын чакыра. Тиешле белгечлеге булмаган эшчеләр өчен уку мөмкинлеге бар.