19 марттан Бөгелмәдә төнге һәм күңел ачу биналары эшенә чикләүләр кертелә
Татарстан Министрлар Кабинетының “Татарстан Республикасы территориясенә яңа коронавирус инфекциясен кертүне һәм таратуны кисәтү чаралары турында” санитар-эпидемиягә каршы комиссиясе карарына ярашлы рәвештә, Бөгелмә һәм Бөгелмә районында төнге һәм күңел ачу биналары эшенә 22:00 сәгатьтән соң вакытлыча чикләүләр кертелә.
Моннан тыш, барлык оешмаларда вирус инфекцияләрен тарату чыганакларының берсе буларак кальян куллануны тыю кертелә. Чикләүләр вакыты чикләнмәгән - "санитар-эпидемиологик вәзгыятьне нормальләштерүгә кадәр".
Шулай ук комиссия карары белән барлык массакүләм чаралар да гамәлдән чыгарылды яки күчерелде - имин санитар-эпидемиологик вәзгыятькә кадәр.
Гамәлдәге санитария кагыйдәләрен һәм гигиена нормативларын бозу һәм санитария-гигиена һәм эпидемиягә каршы чараларны үтәмәү җаваплылык, шул исәптән җинаять җаваплылыгына китерә.
bugulma.tatar.ru сайтыннан
Следите за самым важным и интересным в Telegram-каналеТатмедиа