Үзебез өйрәнәбез, башкаларны өйрәтәбез.
“Уңайлы мохит” дәүләт программасын тормышка ашыру кысаларында, Бөгелмәнең “Яңарыш” тернәкләндерү үзәгендә кече тернәкләндерү чаралары белән таныштыру буенча мастер-класс узды.
Ата-аналар балалар белән бергә төймәләр беркетү өчен махсус ручкалар куелган җайланмадан файдаланырга өйрәнделәр. Ә оекбашларны кидерү җайланмасы аякларының хәрәкәтчәнлеге начар булган балаларга тәкъдим ителә. Бу гади һәм уңайлы җайланма авыр хәрәкәтләнүчеләргә оекбашлар киюне җиңеләйтә, авырлыкларны җиңүдә алыштыргысыз ярдәмче булып тора.
Мондый тернәкләндерү чаралары баланың үз-үзеңә хезмәт күрсәтү буенча күнекмәләрен үстерүгә һәм ныгытуга ярдәм итә һәм тормыш шартларын җиңеләйтә, сыйфатын яхшырта.
Зөлфия НУРИЕВА, тәрбияче
Следите за самым важным и интересным в Telegram-каналеТатмедиа
