Юлларга тоталь контроль кертелә

Автомат режимда эшләүче 100 прибор гомуми озынлыгы 900 километрдан арткан 290 участокта контрольлек итә. Үзара тоташкан датчиклар барлык хәрәкәт маршрутында өзлексез күзәтү зонасы булдырып, датчик куелган урындагы моменталь тизлекне һәм датчиклар арасындагы уртача тизлекне билгели. Яшерен-батырын түгел, фото һәм видео теркәү комплекслары урнаштырылган урынны ачыклау максатында күп кенә йөртүчеләр радак-детекторлардан, шулай ук карталардан, мобиль кушымталардан файдалана. Әлеге җайланмаларның мөмкинлекләрен практикада файдаланып, йөртүче контроль чикне узгач, үзенең законга каршы гамәлен дәвам итә, ягъни тизлекне арттыра. Өзлексез контроль исә андый “хәйләкәрлеккә” урын калдырмый, йөртүче прибор куелган урында гына түгел, ә датчиклар арасындагы барлык участокларда тизлек режимын сакларга мәҗбүр була.

Агымдагы елда Татарстан Республикасы территориясе аша үтүче төбәк әһәмиятендәге Казан– Шәмәрдән, Чистай-Түбән Кама, Казан – Малмыж, Яр Чаллы – Зәй, Саеккан тавы– Шәле автомобиль юлларын да транспорт хәрәкәтенә өзлексез контрольлек итү системасы белән җиһазлау планлаштырыла.

Фото: https://pixabay.com