Җәмгыять
«Свинка Пеппа» бренды хуҗасы Татарстан эшкуарларын судка бирде
«Свинка Пеппа» мультфильмы хуҗасы — Entertaiment One UK Limited компаниясе ТР Арбитраж судына Татарстанның 12 шәхси эшкуарына карата шикаятьләр тапшырды. Бу хакта арбитраж эшләре картотекасында хәбәр ителә.
Җавапка тартылучылар арасында Казан, Чаллы, Әлмәт, Түбән Кама, Лениногорск, Бөгелмә һәм Чистай эшкуарлары бар. Барлык гаризалар да 22 һәм 23 августта тапшырылган. Дәгъва суммасының күләме 40-60 мең сум тәшкил итә.
Моңа кадәр «Маша и Медведь» мультфильмының Мәскәүдәге хуҗасы, Россия мультфильмындагы образлардан файдаланган өчен, Чаллы эшкуары Людмила Хромовадан суд аркылы 40 мең сум акча кайтарып алган иде.
Следите за самым важным и интересным в Telegram-каналеТатмедиа
