Ни өчен телефонга "Әйе" дип җавап бирергә ярамый?

Белгечләр әйтүенчә, алдакчылар яңа төр ялганлауга әзерләнәләр. Җинаятьчеләргә телефоннан җавап бирүченең "Әйе" диюе мөһим. 

Моның асылы шунда, кырыгалдарлар "тавыш үрнәкләре" дип аталучы биометрик мәгьлүматлар җыялар. Алар тиздән банкларда тавыш ярдәмендә идарә итүне кертерләр дип өметләнәләр.

Әгәр шулай була калса, "Әйе" тавышы хуҗасының акчасын урлауга мөмкинлек туачак. Белгечләр телефон шалтыравына "Алло" дип, ә инде билгесез кеше "Сез мине ишетәсезме?"- дигән сорауга, "Әйе" дип түгел, "Ишетәм" дип җавап бирергә тиешсез.Башка очракларда да таныш булмаган кешеләргә бу сүзне әйтмәвегез хәерле.