Мәскәүдә шартлатылган банкоматтан 11 миллион сум акча урланган

Бу хәл иртәнге сәгать биштә Бутырская урамында теркәлгән. 
Мәскәүдә билгесез затлар банкоматтан 11 миллион сум акча урлаган. Мәгьлүмат чаралары язганча, дүшәмбе көнне, 30 сентябрьдә, Бутырская урамында торучы банкомат янында газ салынган баллон шартлатыла. Акча саклагычны ачып, җинаятьчеләр 11 миллион сум акча урлый. Биредә хәзер полиция хезмәткәрләре эшли. Җинаятьчеләрнең шәхесләре әлегә ачыкланмаган.