Бөгелмәләр "Шәрык биюләре" фестивалендә

18 - 19 июньдә Казанда Шәрык һәм Азия биюләре буенча "Нәүруз-2016" дип аталган халыкара фестиваль узды.

Бәйгедә катнашучыларга бәя бирүчеләр арасында танылган һинд режиссёры Умәш Мәхра һәм катхака буенча оста Дхармәндәр Гаутан да бар иделәр.

Бөгелмәнең "Ангика" һинд биюләре халык ансамбле соло, дуэт, трио, һәм кече төркем номинацияләрендә чыгыш ясадылар. Нәтиҗәдә безнекеләр дүрт - беренче, бер өченче урынны яуладылар! Ансамбль биючесе Алиса Соколова иң талантлы биючеләрнең берсе дип танылды.