Бөгелмәдә «Бөгелмә – Мәскәү транзит» Бөтенроссия балалар иҗаты конкурсы узды

Бөгелмәдә «Бөгелмә – Мәскәү транзит» Бөтенроссия балалар һәм яшүсмерләр иҗаты конкурсы узды. Оештыручылар – Бөгелмә муниципаль районы башкарма комитеты, «Мәдәни-агарту эшләре үзәге» муниципаль бюджет учреждениесе һәм «АРТ Фестиваль – Роза Ветров» балалар хәйрия фонды.

Чараны уздыру мәйданчыклары булып Техника йорты һәм яшьләр сарае торды.

 Иртәнге сигездән катнашучылар теркәлү уздылар, шуннан соң репетициягә киттеләр.

Конкурс төрле номинацияләрдән торды: «Нәфис сүз», «Мода театры», «Җиңү нуры», «Халык биюе», «Заманча бию», «Бал биюе», «Эстрада биюе», «Эстрада вокалы», «Дөньяви музыка», «Джаз вокалы», «Дөнья хиты», «Халык вокалы» һәм башкалар.