Ялдан кайтуга, Сабировлар туп-туры Казанның балалар республика клиник хастаханәсенә юл тоткан. Данирның ике кызы да Дубайда бармакларын авырттырган икән. «Мин - ялдан, балалар сугыштан кайткан төсле», - дигән артист үзе.

- Шулай туры килде: икесе дә ялгыш тырнагын өзеп, бармагын авырттырды. Комда уйнап, тырнакларына зыян килгән, күрәсең, бармаклары шеште. Казанда хастаханәдә бәйләп куйдылар. Ә гомумән алганда, ялыбыз яхшы узды. Истәлеккә дип үземә гарәп ирләренең киемен сатып алдым. Шул киемнән шаян видео да төшердек. Быел беренче тапкыр әти-әниемне чит илгә алып барырга насыйп булды, Аллага шөкер. Бер атна ял күз ачып йомганчы узып китте. Озаграк торып булмады, чөнки юбилей концертыма әзерләнәсем бар, - дип сөйләгән Данир Сабиро