Рөстәм Миңнеханов «Үлемсез полк онлайн» акциясендә катнашты

Татарстан Президенты Рөстәм Миңнеханов «Үлемсез полк онлайн» акциясендә катнашты. Ул Instagram социаль челтәрендә әтисенең абыйсы Галимҗан Миңнехановның фотосын урнаштырды.

«Әтинең абыйсы Галимҗан Миңнеханов 1922 елда туган. 359нчы укчы полк составында сугышкан. 1941 елның декабрендә Мәскәү янында һәлак булган», - дип язган фото астына Рөстәм Миңнеханов.

Быел акция Covid-19 коронавирус пандемиясе таралу аркасында онлайн-режимында уза.

Рөстәм Миңнеханов, социаль челтәрләрдә #БессмертныйПолкРоссии, #БессмертныйПолкТатарстан һәм #БессмертныйПолкОнлайн хэштеглары белән фотолар урнаштырып, «Үлемсез полк онлайн» акциясен хупларга чакырды.

Чыганак: татар-информ