Һәркемне хәтерлибез: Тамара Петровна Головченко

Ул 1922 елның 22 маенда Куйбышев, хәзер Самара шәһәрендә туа. Сугыш башланганда Казан дәүләт университетының юридик факультетындв укучы унтугыз яшьлек кыз була. Ул вакыттагы күпчелек яшьләр кебек, ул да ил өчен фаҗигале вакыйгалардан читтә кала алмый. 
Сугышның беренче көннәреннән үк әбием ВЛКСМ шәһәр комитетына госпитальгә эшкә алуларын сорап, мөрәҗәгать итә. Аны буе кечкенә һәм гәүдәле булганга, алырга теләмәгәннәр. Тик әбием бирешми. Ул вакытта госпитальдә профессор, танылган хирург, “солдат яраларын дәвалаучы”, танылган дәвалау мазен уйлап табучы Александр Васильевич Вишневский эшли. Әби аның кабул итүен сорый һәм профессорның үзендә башны ничек оста бәйләвен күрсәтә. Ул моны бик яхшы башкара. Профессор Вишневский кызны яраларны бәйләү бүлмәсенә эшкә ала. Шулай итеп, 1941 елның 21 июленнән ул 1669нчы Казан эвакоспиталенең хирургия бүлегендә, аннары 1668нче госпитальдә санитарка булып эшли башлый. 
Күпме канлы бинтлар һәм җәймәләр юарга, күпме яралар эшкәртергә, пешкән тән җәрәхәтләрен майларга туры килә яшь кызга. Иртәдән кичкә кадәр солдатларыбызның физик һәм рухи газапларын җиңеләйтү өчен үзен аямыйча эшли ул.
Сугыштан соң, дипломлы юрист буларак, Тамара Головченко Татарстан Республикасы Юстиция министрлыгында өлкән нотариус урынбасары булып эшли, аннары Бөгелмә һәм Бөгелмә районы юристы була. Сугыштан соңгы катлаулы вакыт, күп архивлар янып бетә, күп кенә документлар юкка чыгарыла, ә кешеләргә документлар торгызуда ярдәм итәргә, кемгәдер торакны кире кайтарырга кирәк була. Өйгә бөтенләй таныш булмаган кешеләр килеп, проблемалары турында сөйли торган булган, ә ул барысына да квалификацияле ярдәм күрсәткән. 
Әби башкача яши алмас иде. Аңа кешеләр арасында һәм аларга файда китерергә кирәк иде. Әбием үзенең хезмәт эшчәнлеген 80 яшендә тәмамлый. 2020 елның 10 февралендә бу якты, игелекле, кадерле кешебез, әбиебезнең безнең арадан киткәненә 7 ел тулды. 
Мариана Митрофанова