Ятлар акчасына кызыккан
18 ноябрь көнне эчке эшләр бүлегенә 19 яшьлек егет мөрәҗәгать итеп, банк картасыннан 8 мең сум акчасы юкка чыгуы турында хәбәр итә.
Тиешле тикшерү-эзләү чаралары күрү нәтиҗәсендә, җинаятьчеләрне эзләү бүлеге хезмәткәрләре Аксубай районыннан 31 яшьлек хатын-кызның 2эзенә төшәләр”. Ачыклануынча, 17 ноябрь көнне ул сим-карта сатып ала һәм аның мобиль банкка беркетелгән булуын ачыклый. 8 мең акчаны ул шулай ала һәм үз кирәк-яракларына тота. Хәзер ул хатын –кызга карата “Урлашу” маддәсе буенча (РФ Җинаятьләр турындагы кодекс, 158нче маддә) җинаять эше кузгатылды.
Эчке эшләр бүлеге сим-картаны алыштырганда, яисә югалткан очракларда шәхси мәгълүматлар саклана торган мобиль кушымталарның барысын да сүндерергә киңәш итә.
Бөгелмә районы эчке эшләр бүлеге матбугат хезмәте.
Фото: https://pixabay.com/ru
Следите за самым важным и интересным в Telegram-каналеТатмедиа
