Хокук һәм вәзгыять
Татарстанда «КАМАЗ» белән җиңел машина бәрелешеп, өч кеше зыян күргән
Авария кичә кич республиканың Әлмәт районындагы Казан - Оренбург трассасында булган.
Татарстанда «КАМАЗ» белән җиңел машина бәрелешкән. Һәлакәттә өч кеше зыян күргән. Бу хакта «Татар-информ»га авария шаһитлары хәбәр итте.
Шаһитлар сүзенә караганда, республиканың Әлмәт районындагы Казан - Оренбург трассасында кичке җиделәрдә юл-транспорт һәлакәте булган. Ямаш авылы янында 7нче модель «Жигули» һәм «КАМАЗ» машиналары бәрелешә.
«Авариядә өч кеше зыян күргән. Кешеләрне автомобильдән алу өчен түбәне кисәргә туры килде», - дип уртаклашты агентлык белән юл-транспорт һәлакәте шаһитлары.
Следите за самым важным и интересным в Telegram-каналеТатмедиа
