Хокук һәм вәзгыять
Әлмәттә койма аша чыккан вакытта аягы белән тимергә кадалган егетне коткарганнар
Гадәттән тыш хәлләр министрлыгы хезмәткәрләренә егет эленеп калган тимерне кисеп алырга туры килгән.
Татарстанның Әлмәт шәһәрендә койма аша чыккан вакытта аягы белән тимергә кадалган егетне коткарганнар. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Иртәнге сәгать алтыда 25 яшьлек егет Гагарин урамында койма аркылы чыгарга уйлаган. Әмма ул моны сак кына эшли алмаган һәм аягы белән тимергә кадалган.
Урынга килгән коткаручылар егет эленеп калган тимерне кисеп алган һәм аны коймадан төшереп, ашыгыч ярдәм табибларына тапшырган.
Чыганак: «Татар-информ»
Следите за самым важным и интересным в Telegram-каналеТатмедиа
