Хәрби хезмәткә чакырылудан качып йөргән өчен бөгелмәлегә 50 мең сум штраф салынган

ТР Бөгелмә шәһәр суды тарафыннан Бөгелмәдә яшәүче  яшь кешегә карата җинаять эше каралган, ул җитди сәбәпләрсез һәм законлы дәлилләрсез хәрби хезмәткә чакырылудан качып йөргән.

Суд тарафыннан эшне карау барышында билгеләнгән көнне хәрби хезмәткә чакырылучының медицина тикшерүе узмавы һәм хәрби комиссариат повесткасы буенча хәрби хезмәткә чакыру комиссиясе утырышына килмәве ачыкланган.

Суд утырышында хөкем ителүче җинаять кылуда гаебен тулысынча таныган һәм кылган гамәле өчен үкенүен белдергән. Ул аңлатып узганча, хәрби комиссариаттан берничә тапкыр повестка алган, җитди сәбәпләре булмаса да, анда бармаган.

Җәза төрен билгеләгәндә суд җәзаны йомшартучы хәлләрне исәпкә алган, аны җинаять кылуда гаепле дип тапкан һәм 50 000 сум күләмендә штраф рәвешендә җәза билгеләгән.

Хөкем карары законлы көченә кермәгән һәм эш буенча катнашучы затлар тарафыннан шикаять бирелергә мөмкин.