Дүрт табиб бәбиләр саткан өчен СИЗОга юл тотачак

Басман суды дүрт табибны ике айга СИЗОга озаткан. Аларны Мәскәүдә сабыйлар белән сәүдә итүдә гаеплиләр. “Саксызлык аркасында үлемгә китергән, зыян күрүченең сәламәтлегенә авыр зыян салган яки оешкан төркем составында башка авыр нәтиҗәләр китергән дәрәҗәдә кешеләр белән сәүдә итү” маддәсе буенча гаепләнүчеләргә карата 14 сентябрьгә кадәр иректән мәхрүм итү чарасын сайладылар.

Тикшерү мәгълүматларына караганда, Одинцово шәһәр округы бистәсендәге бер фатирда яңа туган баланың гәүдәсе табылган. Сабыйның үлеменә яңа туган баланың кинәт үлү синдромы сәбәп булган. Узган елның кышында суррогат анадан туган малайның фатирда няня күзәтүе астында булуы ачыкланган, анда да тагын өч сабый яшәгән. Яңа туган балалар анда биологик әти-әниләре, чит ил кешеләре балалар өчен кирәкле барлык документларны рәсмиләштерү белән шөгыльләнгән арада яшәгәннәр, шул исәптән аларны чит илгә чыгару өчен дә әзерләгәннәр.

NGC шәхси клиникасының ике табибы – уролог Артур Ашитков һәм гинеколог Юлианна Иванова, шулай ук гинекологлар Лилия Панаиоти һәм Валентина Чернышова кулга алындылар.

Утырышта гаепләнүчеләрнең адвокатлары һәм прокурор медикларга өй аресты рәвешендә ирекләренә чик кую чарасын сайлауны үтенде.  Сабыйлар турында мәгълүматлар булу сәбәпле,  утырыш ябык режимда узды.

Фигурантларның берсе дә үз гаебен танымады.

18+