Бөгелмәдә җирле хатын-кыз ирен пычак белән яралаган өчен хөкем ителде

Быел җәй Бөгелмәдә гадәти гаилә кичке ашы бик күңелсез тәмамлана. Эш материаллары буенча, җинаять шәһәрнең күп фатирлы йортларының берсендә була. Ир белән хатын арасындагы зур булмаган каршылык тиз арада җитди низагка күчә, аның барышында хатын венасын кисү белән яный башлый. Нәтиҗәдә, ир хатыннан пычакны алырга омтыла, әмма бу мизгелдә хатыны аның күкрәк читлегенә пычак белән кадый.

Вакытында күрсәтелгән медицина ярдәме нәтиҗәсендә зыян күрүчене коткарып кала алдылар. Суд тарафыннан хөкем ителүченең гамәлләре Россия Федерациясе Җинаять Кодексының 111нче статьясының 2нче өлешенең «з» пункты буенча квалификацияләнде. Җинаять кылу шартларын һәм гаепләнүченең шәхесен исәпкә алып, суд аны 1 ел 6 айга ирегеннән мәхрүм итү рәвешендә җәза билгеләде билгеләде һәм ул срокны гомуми режимлы төзәтү колониясендә үтәргә тиеш.

Хөкем карары законлы көченә кермәде һәм эш буенча катнашучы затлар тарафыннан шикаять бирелергә мөмкин.

ТР Бөгелмә шәһәр суды матбугат хезмәте