Бөгелмәдә ике ир шәһәр барларының берсендә кешеләргә кораллы һөҗүм оештырган

Шимбәдән якшәмбегә каршы – иртәнге сәгать 5тә Бөгелмә шәһәренең бер бар бинасында ике ир кеше урамда корал белән әйләнә-тирәдәгеләргә яный башлаган. Бу хакта Бөгелмә шәһәр порталы социаль челтәрендә язалар.

Аучылар формасындагы ике ир-ат, аудан соң ял итәргә теләгәннәрдер, күрәмсең. Бина ябылганнан соң, икесе дә исерек ирләр, урамга чыгып, кешеләргә бәйләнә башлаган: кимсеткәннәр, мыскыллы сүзләр әйткәннәр, битлек киеп, машинадан коралларын алып, кешеләр күпләп җыелган якка таба юнәлтәләр. Бу хәл турында хәбәр тирә-якка таралмасын өчен, телефоннарны алмауны җентекләп күзәтәләр.

“Мондый оешмаларда бөтен яшьләр ял итә һәм ике бәндә утыз кешенең гомеренә куркыныч янарга берничек тә тиеш түгел”, – дип яза вакыйганың бер шаһиты пост астында.

Бөгелмәлеләрнең берсе: “Бу әлеге ике шәхеснең беренче генә кыланмышы түгел”, –  дигән фикерләре белән уртаклашты.