Бөгелмә районында юл-транспорт һәлакәте булды
Ике йөк транспорт чарасы – “SHACMAN” һәм “КамАЗ” бәрелешү нәтиҗәсендә, машина йөртүчеләрнең берсе вафат булды.
27 декабрьдә 09:50 сәгатьтә “Казан–Оренбург” автомобиль юлының 292нче чакрымында “SHACMAN” һәм тагылма “НЕФАЗ” составында “КамАЗ” маркалы ике йөк транспорт чарасы бәрелеште. Бу хакта Россия Эчке эшләр министрлыгының Бөгелмә районы ЮХИДИ бүлегенең юл хәрәкәте куркынычсызлыгын пропагандалау инспекторы Гөлнара Гыйбадуллина сөйләде.
Бәрелешү нәтиҗәсендә, “КамАЗ” машинасы шоферы алган җәрәхәтләрдән юл-транспорт һәлакәте урынында вафат булды, алынган травмалар белән чит ил машинасы йөртүчесе хастаханәгә китерелде. Башлангыч мәгълүматлар буенча, юл-транспорт һәлакәтенең сәбәбе – каршы хәрәкәт өчен билгеләнгән юл ягына чыгу.
Әлеге факт буенча тикшерү бара.
Следите за самым важным и интересным в Telegram-каналеТатмедиа
