Бөгелмә кизү часте көн саен «вак караклар»ны терки

Көн саен Россия Эчке эшләр министрлыгы Бөгелмә районы бүлегенең кизү частенда сәүдә нокталарыннан вак-төяк урлашулар теркәлә.

Шәһәр территориясендә көн саен үз-үзеңә хезмәт күрсәтү кибетләрендә вак урлашу очраклары теркәлә. Азык-төлек, алкоголь, кофе, тәмәке һәм башка компактлы товарлар җинаятьчел кул сузу предметлары булып тора. Кагыйдә буларак, кибет караклары еш кына киемнәре эчендә товарларны яшереп, касса яныннан сиздермичә генә узалар. Полиция хезмәткәрләре мондый җинаятьләрне «кайнар эзләр»дән яки берничә көн эчендә ачалар. Тәҗрибә күрсәткәнчә, урлашу өчен тоткарланучыларның күбесе җәзасыз калачагына ахыргача ышана. Ә аларны тота калсалар, кибет җитәкчелеге белән “килешергә” һәм җаваплылыктан читтә калырга өметләнәләр. Тик караклар җинаять өстендә тотылмаса да, аңа турникетларны узып китәргә һәм түләнмәгән товарны алып чыгу турында хәбәр итүче датчиклар эшләвен булдырмый калырга мөмкин булса да, ул җаваплылыктан качып кала алмаячак. Барлык кибетләр дә видеокүзәтү системасы белән җиһазландырылган һәм тиздән урлашу факты, һичшиксез, ачылачак.

Әйтик, 21 ноябрьдә ике банка кофе урларга маташкан өчен элек хөкем ителгән 35 яшьлек кеше тоткарланган. Ә 26 һәм 27 ноябрьдә 36 яшьлек хатын-кызлар төрле кибетләрдә берешәр шешә аракы урлаганнар. «Кайнар эз»ләр буенча полиция хезмәткәрләре аларны тоткарлый.

Полиция хезмәткәрләре кибетләрдән товарлар урлаган өчен административ һәм җинаять җаваплылыгы каралганлыгы турында бөгелмәлеләрнең исләренә төшерә һәм хокукка каршы гамәлләр кылудан тыелырга киңәш итә.

Россия Эчке эшләр министрлыгы Бөгелмә районы бүлеге матбугат хезмәте