Балалары алдында хатынын үтергән

Көндез Чиләбе районының Сатка районында трасса буйлап узучы шоферлар куркыныч күренешкә тап булган. Юл читендә ак "Рено Дастер" тора, ә бераз гына артта ир бер хатынның муенын кисеп маташа. Тирә-юньдәге асфальт кан белән капланган, автомобильдә котлары чыккан балалар кычкырыша...

Вакыйга урынына ашыгыч ярдәм һәм полиция чакырталар. 31 яшьлек Александр А. Башкортстанның Балакатай районында яшәүче булып чыга. Акылсыз ир 30 яшьлек хатыны Оксанага һөҗүм итә, чөнки ул аның телефонын блокировкага куйганын аңлый. Бу факт тиз генә аны чыгырыннан чыгара, чөнки элек хатыны беркайчан да телефонны блокка куймаган. Бу вакытта машинада ике һәм дүрт яшьлек кызлары утырган.

Ирнең бу - икенче хатыны. Ул беренчесен дә үтерә язган булган. Оксана да аның белән аерылышырга җыенган...

Ир, машинасын туктатып, хатынга пычак чәнчә, аннары урамда куып тотып, суярга маташа. Хатын шул урында җан биргән. Җаһил тотылган.

Чыганак: Кызыл таң газетасы