Җәйнең беренче көне

Җәйнең беренче көне – Халыкара балаларны яклау көне, балачак иленең иң матур бәйрәме.

Бу көнне Татар Димскәе мәдәният йортында, китапханә белән берлектә, «Балачак иле» дигән күңел ачу чарасы үтте. Балалар «Яулык салыш», «Кем җитезрәк», « Яшь очучылар» һәм башка бәйгеләрдә бик теләп катнаштылар. Төсле акбурлар белән рәсем ясау өчен махсус беркетелгән тактада рәсемнәр ясадылар. Бәйрәмебез бик күңелле үтте.

Барлык балаларга саулык-сәламәтлек, бәхет телибез,  ямьле җәй айларын файдалы үткәрсеннәр дигән теләктә калабыз.

Гөлнара Рәхимова – Татар Димскәе мәдәният йорты җитәкчесе

Лилия Хәбирова фотолары