«Ялкын» социаль приюты «ИЗОляция» флешмобына кушылды
Флешмобны Калифорниянең иң зур сәнгать музее – Гетти музее башлап җибәрде.
Музей хезмәткәрләре, кул астындагы әйберләрны кулланып, берничә рәсем шедеврын кабатладылар. Бу ният тиз арада Интернетта популярлашты һәм Россиягә дә килеп җитте. Кулланучылар үзләренең «күчермәләрен» #ИЗОляция хештегы астында урнаштыралар.
Бөгелмә районының «Ялкын» балалар һәм яшүсмерләр өчен социаль приюты да флешмобка кушылды. ТАССРның 100 еллыгын бәйрәм итү кысаларында учреждениедә «Габдулла Тукай әкиятләре буенча сәяхәт» дигән чара үткәрелде, анда тәрбияләнүчеләр шагыйрьнең балачак еллары белән таныштылар, бөек шагыйрьнең әсәрләрен искә төшерделәр, шулай ук Тукай әсәрләре геройларына әверелеп карадылар.
Следите за самым важным и интересным в Telegram-каналеТатмедиа
