«Яңарыш» тернәкләндерү үзәгендә калейдоскоплар ясыйлар

Балаларның уйлап табулары көне кысаларында Бөгелмә районының «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Яшь фантазерлар» дип исемләнгән калейдоскоп ясау буенча гамәли танып-белү дәресе узды.

Чара бәйрәм турындагы, кешелек тарихында мөһим ачышлар ясаган балалар һәм яшүсмерләр турындагы күзаллауларны киңәйтү, шулай ук кулларның вак моторикасын үстерүгә юнәлдерелгән иде.

Мондый дәресләр, оештыручылар сүзләренә караганда, уңай эмоциональ кәеф булдыруга, коллективизм, бер-береңә ярдәм итү хисен тәрбияләүгә, танып-белү эшчәнлеген активлаштыруга ярдәм итә.

Альбина Иркагалиева, тәрбияче