Өйдә торабыз, әмма тик тормыйбыз.
Үзизоляция шартларында яшәгәндә дә, Зеленая Роща авыл мәдәният йорты хезмәткәрләре кул кушырып, эшсез утырмыйлар һәм башкаларга да күңелсезләнеп утырырга ирек бирмиләр.
Мәдәният хезмәткәрләре якташларны “Завалинка” вокаль төркеменең онлайн чыгышларын, курчаклар ясау буенча мастер-класслар карарга, катнашырга чакыралар.
ТАССР оешуга 100 ел тулуны бәйрәм итү кысаларында, сөекле шагыйребез Габдулла Тукай туган көннәрдә “Тукай дөньясы” дигән темага декоратив-гамәли сәнгать әйберләре, рәсемнәр күргәзмәсе оештырылды. Билгеле, бу эш онлайн-режимда башкарылды. Безнең чарада катнашучылар бик рәхәтләнеп, бәйләм бәйләделәр, рәсем ясадылар, тегү тектеләр, пластилиннан сыннар әвәләделәр һәм бөек татар шагыйре әсәрләренә нигезләнгән менә дигән яңа хезмәтләр иҗат ителде. Боларның барысын да сез түбәндәге сылтама буенча кереп, үз күзләрегез белән күрә аласыз: https://www.instagram.com/p/B_PaCS8lqtE/?igshid=1hb16b35z785d
Ольга БОРОДИНА.
Фото/ Ольга МИРОНОВА
Следите за самым важным и интересным в Telegram-каналеТатмедиа
