Дуслык җиңде
Безнең "Энҗекәй" балалар бакчасында юл йөрү кагыйдәләре буенча, атааналар белән берлектә, "Зеленый огонек" уены (КВН) уздырылды.
Бәйрәмгә килгән Убырлы балаларның күңелен генә ачып калмады, малайлар һәм кызлар белән бергәләп юл йөрү кагыйдәләрен дә өйрәнеп китте, рәхәтләнеп күңел ачты. Балалар зур кызыксыну белән танып-белүне үстерә торган "Машинаны җый","Светофор", "Тыңла,хәтердә калдыр" кебек мавыктыргыч уеннарда катнаштылар. Төрле әкият геройларының юл маҗараларына дөрес җавап эзләделәр. "Светофор" белән "Зебра" командалары арасында барган кызу ярышта, билгеле инде, дуслык җиңде. Әлеге бәйрәмнән балалар да, аларның әти-әниләре дә канәгать калды.
Следите за самым важным и интересным в Telegram-каналеТатмедиа
