Бөгелмәнең “Ялкын” приютында тәрбияләнүчеләр сәламәт яшәү рәвеше турында белемнәрен күрсәттеләр.

Балигъ булмаганнар да алардан калышмый: “Ялкын” социаль приютында тәрбияләнүчеләр “Сәламәт кешеләр планетасы” дигән асфальтта рәсем конкурсында актив катнаштылар.

        Алар үз эшләрендә спорт, чыныгу, физкультура, сәламәт туклану белән шөгыльләнүгә мөнәсәбәтләрен күрсәттеләр; мессенджерлар, ватсап, инстаграм аркылы яшьтәшләрен һәм өлкәннәрне үз сәламәтлекләренә сакчыл карашка өндәделәр; кулны сабынлап еш юарга, “COVID-19” белән йогышланмас өчен шәхси саклану чараларыннан файдаланырга чакырдылар. Чара ахырында яшүсмерләр: “Зарядка ясарга, спорт белән шөгыльләнергә һәм дөрес тукланырга кирәк. Шулай ук көн тәртибе, сәламәт йокы һәм сулыш гимнастикасы турында да онытырга ярамый”, – дигән нәтиҗә ясадылар. Чарада барлыгы 10 бала катнашты.

Елена СЕЛЕЗНЕВА, тәрбияче

Ирина ВЕЧКИЛЕВА фотолары