Бөгелмәнең "Радуга" үзәге педагогы ата-аналар белән чара үткәрде

Бөгелмәнең «Радуга» халыкны социаль тәэмин итү комплекслы үзәге каршындагы гаиләгә һәм балаларга социаль ярдәм итү бүлекчәсе социаль педагогы Людмила Голубева “Откровение” клубы эше кысаларында, ата-аналар, социаль хезмәт алучылар белән «Бала дөньясында» дигән  коррекция дәресе үткәрде. Очрашуның максаты – балалар белән ата-аналар арасындагы мөнәсәбәтләрне коррекцияләү, партнерлык һәм ата-аналар белән хезмәттәшлек итү мөнәсәбәтләрен билгеләү һәм үстерү.

Социаль педагог әниләрне үз балалары белән нәтиҗәле хезмәттәшлек алымнары, каршылыклы ситуацияләрне чишү кагыйдәләре белән таныштырды. Ата-аналар «Үз балаңны ничек аңларга өйрәнергә» дигән видеоролик карадылар һәм алар үз балаларының  ихтыяҗларын ни дәрәҗәдә яхшы белү-белмәү, хәлне балалар күзлегеннән күрү турындагы, үз баласын һәрвакыт аңлыйлармы дигән сорауларга җавап бирделәр.

Хис-кичерешләре, уйчан карашлары һәм эмоциональ киеренкелек аша кайбер ата-аналарның үз эчендә эшләве сизелеп торды.

Очрашу ахырында белгеч әниләргә балаларны уңышлы тәрбияләү темасына мәгълүмати материаллар, белешмәлекләр һәм буклетлар тапшырды.

Людмила Голубева әзерләде

Римма Сәйфиева фотосы