Бөгелмә шәһәренең 30нчы «Елочка» балалар бакчасына керү юлында барысын да Кар бабай – ЮХИДИ инспекторы каршы ала
Кар бабай балаларга бөтен җирдә урнашкан юл билгеләрен өйрәнергә тәкъдим итә: кар корылмаларында, бордюрларда, таучыкларда, машиналарда...
Тәрбиячеләр мөмкин кадәр кече яшьтән үк тәрбияләнүчеләргә урамда, машиналар йөрү юлында үз-үзеңне тоту кагыйдәләрен өйрәтәләр һәм күнекмәләр формалаштыралар. Бакчада тормыш иминлеге культурасын тәрбияләүгә аерым игътибар бирелә, аның бер өлеше – балаларның юл-транспорт һәлакәтләрендә имгәнүләрен кисәтү.
Юл хәрәкәте кагыйдәләре буенча педагогик проект кысаларында, педагоглар һәр төркемнең уен участогында корылмалар төзү өчен аерым транспорт төрен сайладылар. Шулай итеп, нәниләрне уйнарга чыккач, кызыклы паровоз һәм күңелле машиналар каршы ала. Урта төркем балалары үзләрен диңгезчеләр һәм капитаннар итеп тоя ала, чөнки аларның участогы – чын диңгез порты.
Кардан һава транспорты ясау – катлаулы бурыч. Әмма талантлы һәм оста педагоглар өчен түгел! Өлкән төркем балалары участогында искиткеч самолетлар, вертолет, ракета барлыкка килде.
Ә кардан һәм боздан ясалган махсус автомобильләр куркынычсызлык кагыйдәләрен үтәү кирәклеге турында әзерлек төркеме балаларының тагын бер кат исләренә төшерә.
Күп функцияле гаҗәеп кар корылмалары балаларны сөендерә, аларның физик үсешенә ярдәм итә, уен формасында үзләрен юл хәрәкәтендә тулы канлы катнашучы итеп тоярга, урамда һәм машиналар йөрү юлында үз-үзеңне дөрес тоту күнекмәләрен булдырырга мөмкинлек бирә. Чөнки саф һавада ял вакытында һәр бала игътибар белән юл билгесен карый, ЮХИДИ инспекторы була, корабның штурвалы артында басып тора, лабиринт буенча йөгерә һәм карлы юлдан машина йөртә ала.
Тәрбияләнүчеләр өчен чаралар һәм урамда ял итүләр күңелле генә түгел, акыл һәм сәламәтлек өчен дә файдалы үтә.
Следите за самым важным и интересным в Telegram-каналеТатмедиа
