Балалар белән бергә җыр-биюләр башкардылар, бишек җырын көйләделәр.
Безнең балалар бакчасына төрле милләт балалары йөри. Әйтергә кирәк, балалар бакчасында сабыйларда кечкенәдән үк төрле милләтләргә карата хөрмәт тәрбияләнә. Бәйрәмдә балалар җыр-биюләрне тамаша кылдылар. Тәрбиячеләр Наилә Равил кызы Шәйгарданова һәм Мәрҗән Равшан кызы Галимова борынгы җырларны башкардылар, уеннарны күрсәттеләр. Балалар белән бергә җыр-биюләр башкардылар, бишек җырын көйләделәр. “Йөзек салыш”, “Капкалы”, “Энә белән җеп” уеннарында алар да бик теләп катнаштылар.
Татарстан!
Туган җирем минем!
Бәхет-шатлыкларның ал таңы!
Ай-кояштай сүнми, балкып яшә,
Халкыбызның данлы Ватаны!
Наилә Шәйгарданова, 23нче "Ромашка" балалар бакчасы тәрбиячесе
Мәрҗән Галимова фотосы
