11нче «Искорка» балалар бакчасы «Күңел җырлый, көз бии» фестивалендә катнашты

11нче «Искорка» балалар бакчасы һәм Техника йортының “Прялица” халык фольклор ансамбле коллективы Татар мәдәният үзәгендә оештырылган Халыкара өлкәннәр көненә багышланган   фестивальдә катнаштылар.

Балалар бакчасында тәрбияләнүче Макар Кривоплясов үз гаиләсенең традицияләре, шәҗәрәсе, гаилә кыйммәтләре, әбисе Надежда Михайловна Плеханованың осталыгы һәм мавыгулары турында сөйләде.

Мәктәпкәчә яшьтәге балалар һәм “Прялица”  халык фольклор ансамбле коллективы башкаруында яңгыраган дәртле җырлар барлык кунаклар өчен бүләк булды.

Өлкәннәр көне белән котлыйбыз! Сәламәтлек, күңел күтәренкелеге, көч,  бәхет телибез!