Берничә мәзәк

- Әй, булдыклы да инде минем ирем, - дип мактана икән бер хатын ахирәтенә. - Ике көнгә балыкка чыгып китә дә, шул арада тоткан балыгын я тозлап, я туңдырып, я консервлап ук алып кайта!
***
Бер татарны немец формасын киендереп, разведкага әзерлиләр:
- Әгәр немецларны очратсаң, "Хайль Гитлер!" дип сәламлә, - диләр.
Бу разведкага китә һәм күп тә үтми, каршысына бер зур гына немец килеп чыга.
Бу каушап кала һәм немецка ялгыш: "Халь ничек!" - дип кычкыра. Тегесе: "Аллага шөкер..."