Берничә мәзәк (4)

- Әй, булдыклы да инде минем ирем, - дип мактана икән бер хатын икенчесенә. - Ике көнгә балыкка чыгып китә дә, шул арада тоткан балыгын я тозлап, я туңдырып, я консервлап ук алып кайта!..
* * *
Бер хатын полициягә килеп, иренең инде дүрт көн өйгә кайтмавын әйтә.
- Ә ирегезнең нинди дә булса үзенчәлекле билгеләре бар идеме соң? - дип сорыйлар аннан.
- Әлегә кадәр юк иде, - ди хатын, - тик өйгә кайтсын әле, андый билгеләре булачак аның!