Елмаеп алыйк әле

Урамда яшь ир янына матур гына бер хатын килә.

- Гафу итегез, сез минем бер баланың әтисе бугай?

Куркуга төшкән ир кеше:

- Минме? - дип сорый.

- Тынычланыгыз, мин - укытучы.

  

Юлда "Ока" ватылып кала. Моның янына бер "Мерседес" туктый да аны тагып алып барырга ризалаша. Шунда "Ока" йөртүчесе болай ди: "Син артык каты чапма, әгәр куркыта башласа, мин сиңа фараларымны кабызып хәбәр бирермен". Менә алар кузгалып китә. Ике машинаның трассадан баруын күреп калган берәү сөйли: "Кара әле, бүген бер "Мерседес"ны күрдем, сәгатенә 160 чакрым тизлек белән чаба. Ә аның артыннан, бер дә калышмыйча, "Ока" җилдерә. Нинди мотордыр анда, бер тавышы да чыкмый. Җитмәсә, арттан ут белән яктыртып, "Мерседес"тан юл бирүне таләп итә".