Пенсия фондының Татарстан бүлегендә бүген "кайнар линия" эшли

Бүген, 8 сентябрьдә, Россия пенсия фондының Татарстан бүлеге булачак пенсионерлар өчен кайнар линия эшләтергә булды. Анда шалтыратып, пенсия белән тәэмин итүгә кагылышлы сорауларны бирергә була.

Бүлек белгечләре пенсия билгеләү өчен кирәкле документлар исемлеге белән таныштырачак, алдан исәпләүгә кагылышлы сорауларга җавап бирәчәк, пенсия күләменә, аны хисаплауга кагылышлы башка сорауларга ачыклык кертү юлларын күрсәтәчәк.

"Кайнар линия" бүген 9:00-16:00 сәгатьләрдә эшли. Телефон: 8-800-100-26-27. Татарстанның барлык төбәкләреннән дә шалтырату бушлай.