Ныклы гаилә – җәмгыять терәге

Илебездә Гаилә көне 2008 елдан бирле билгеләнеп үтелә. Аңлашып яшәү, мәхәббәт, тугрылык - болар барысы да кешелекнең иң кадерле кыйммәтләре, яшәешебез гармониясен тәшкил итүче сыйфатлар. Аларның шәхсән аерым язмышлар өчен генә түгел, ә тулаем ил һәм җәмгыять өчен дә бик әһәмиятле икәнлеген белү зарур. Бу көнне шәһәр һәм районыбызда ныклы гаиләнең мөһимлеген аңларга ярдәм итә торган шактый гына мәдәни чаралар оештырыла. Шундыйларның берсе 8 июль көнне Ленин урамындагы паркта узачак, 16 сәгатьтә башлана.

Сүз уңаеннан. 2013 елда шәһәр һәм районыбзда 876 пар язылышкан, 470 гаилә таркалган булган; ә 2014 елда 856 гаилә туган, 471 гаилә таркалган, ә 2015 елда бу күрсәткечләр - 776 һәм 381. Уйланырлык та, уйландырырлык та саннар...