Әлмәттә бер айда җитмештән артык кеше мошенниклар корбаны булган

(Әлмәт, 31 гыйнвар, «Татар-информ», «Әлмәт таңнары»). Кышның беренче аенда Әлмәттә дистанцион мошенниклар «кармагына» җитмешкә якын кеше эләккән. Бу хакта район газетасы Эчке эшләр министрлыгы Әлмәт районы буенча бүлегенең җинаятьчеләрне эзләү бүлеге начальнигы Хәлил Хафизов сөйләде.

Алдануның иң киң таралган ысулларының берсе — банк картасы хуҗасының телефон номерына билгесез кешеләрнең шалтыратып, санкциясез акча күчерергә омтылулары турында хәбәр итү.

Ә корбаннар аларның таләпләрен үтәп, карта мәгълүматларын, ә аннары СМС-хәбәргә килгән парольне дә әйтеп, һәм үз акчаларыннан мәхрүм кала.