Бөгелмәле Иван Дурандин кыю һәм яхшы күңелле ир-егет була

Иван Васильевич 1987 елның 3 апрелендә Ырынбур өлкәсенең Северный районы Староборискино авылында туган. «ТНГ-Групп» ҖЧҖендә эшләгән. Өйләнгән һәм ике ул тәрбияләгән.

Иван Дурандинны ярдәмчел, яхшы күңелле, яратучан әти һәм ир итеп хәтерлиләр. Ир-ат балыкка йөрергә яраткан, һәрвакыт әти-әнисенә хуҗалыкта булышкан. Җәй көне бөтен гаилә белән табигатькә чыкканнар, гөмбә һәм җиләк җыйганнар. Иван яхшы юмор хисенә ия булган һәм барысы белән дә уртак тел тапкан.

2022 елның 28 октябрендә Иван Васильевич өлешчә мобилизация кысаларында повестка ала һәм махсус хәрби операция уздыру территориясенә китә. Иван Дурандинның кушаматы — Север.

2023 елның 18 декабрендә Донецк Халык Республикасының Новомихайловка авылында ир-ат һәлак була. Биш айдан соң, 12 майда, Северный район халкы Ватаныбыз мәнфәгатьләрен яклап, махсус хәрби операция кысаларында хәрби бурычын үтәгәндә һәлак булган якташы, хәрби хезмәткәр Дурандин Иван Васильевич белән хушлаша.

Махсус хәрби операция барышында хәрби һәм хезмәт бурычын үтәгәндә күрсәткән батырлыгы һәм фидакарьлеге өчен хәрби хезмәткәр Дурандин Иван Васильевич үлгәннән соң Батырлык ордены белән бүләкләнә. Орденны һәлак булган геройның туганнарына тапшыралар.

16 январь көнне Иске Борискино мәктәбендә мәктәпне тәмамлаучылар Дурандин Иван Васильевич һәм Анисимов Алексей Александровичка «Герой партасы» ачыла.

Чарада Иванның әти-әнисе Василий Иванович һәм Любовь Михайловна, Алексейның опекуны Татьяна Ионова, Иске Борискино авыл советы башлыгы Николай Балабуткин, мәктәп укучылары, мәгариф бүлеге белгече Ирина Хәйретдинова катнаша.

Иван Васильевич чын ир, кайгыртучан ул, яратучан ир һәм ата, тугры абый була. Ышанычлы солдат, Ватанны саклаучы, ул гаять зур батырлык күрсәтте һәм безнең чикләрне яклауга басты, үз патриотик бурычын тәвәккәл үтәде, дип билгеләп үтте авыл халкы.

Иван Дурандин яшь буын өчен үрнәк булып тора. Ул ахырга кадәр антына тугры калды, үз гомере бәрабәренә сугышчы бурычын батырларча үтәде һәм якташларының хәтерендә саклана.

Материаллар Нелли Лифантьенва һәм Люция Рәхимова катнашында әзерләнде

ФОТО: шәхси альбомнан.